कोपा डेल रे : रियल अन्तिम १६ मा

हेटौँडा । चौथो डिभिजनको क्लब डिपोर्टिभा मिनेरालाई ५-० ले हराउँदै रियाल मड्रिड कोपा डेल रेको अन्तिम १६ मा प्रवेश गरेको छ ।

मिनेराको घरेलु मैदान कार्टागोनोभा रंगशालामा भएको खेलमा रियालको तर्फबाट आर्दा गुलेरले दुई तथा फेडेरिको भाल्भर्डे, एडुआर्डो कामाभिंगा र लुका मोड्रिचले समान एक गोल गरे ।

खेलको पाँचौँ मिनेटमा भाल्भर्डेले गोल गर्दै रियललाई पहिलो अग्रता दिलाएका थिए । त्यसको आठ मिनेटपछि कामाभिंगाले टोलीको अग्रता दोब्बर बनाए ।

त्यसपछि रियलको लागि खेलको२८औँ मिनेटमा गुलेरले गोल गर्दै टिमलाई थप बलियो बनाउन सफल भए ।

५५औँ मिनेटमा मोड्रिचले गोल गरेपछि रियल ४-० को अग्रतामा पुगिसकेको थियो तर खेलको ८८ औँ मिनेटमा गुरेलले पुनः गोल गर्दै रियलको जित थप विशाल बनाए ।