पूर्वउपराष्ट्रपति पुनको सक्रियताबारे प्रचण्ड- आफैँले इच्छा राख्नुभएको हो

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले पूर्वउपराष्ट्रपति नन्दबहादुर पुनलाई व्यक्तिगत चाहनाले नै पार्टीमा सक्रिय भएको प्रष्टीकरण दिएका छन् ।

केन्द्रीय कमिटीको बैठकलाई सम्बोधन गर्दै पुन पार्टीले राजनीतिमा सक्रिय गराएको नभई सकृय हुने चाहना व्यक्त गरेकाले आमन्त्रित रूपमा बैठकमा सहभागी गराएको जानकारी गराए ।

अन्य नेताहरूको कार्यविभाजन गर्दा पुनलाई पनि जिम्मेवारी दिइने उनले बताए ।

पुनको सक्रियताको विषयलाई लिएर बैठकमा विभिन्न टिकाटिप्पणी भएको थियो । पुनलाई उपाध्यक्षको जिम्मेवारी दिने माओवादीको तयारी छ । उनी बैठकमा पनि उपाध्यक्षकै भूमिका आसिन थिए ।