सिजाङ भूकम्पको क्षतिप्रति अध्यक्ष प्रचण्डद्वारा दुःख व्यक्त

काठमाडौं । पूर्वप्रधानमन्त्री एवं नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले चीनको सिजाङ केन्द्रविन्दु बनाइ गएको भूमम्पबाट भएको जनधनको क्षतिप्रति दुःख व्यक्त गरेका छन् ।

उनले सामाजिक सञ्जाल ट्वीटरमार्फत भूकम्पमा ज्यान गुमाउनेप्रति दुःख व्यक्त गर्दै घाइतेको सिघ्र स्वास्थ्य लाभको कामना गरेका छन् ।

माओवादी अध्यक्ष प्रचण्डले ट्वीटरमा लेखेका छन्, ‘म सिजाङ भूकम्पमा परी ज्यान गुमाउनेहरूप्रति गहिरो दुःख व्यक्त गर्दछु । मृतकका परिवारजन, महामहिम राष्ट्रपति सी जिनपिङ र चिनियाँ जनताप्रति हार्दिक समवेदना व्यक्त गर्दै घाइतेहरूको शीघ्र स्वास्थ्यलाभको कामना गर्दछु ।’