४० दिनभन्दा धेरै भोक हड्तालमा बसेका ७० वर्षे यी भारतीय कृषक

काठमाडौं । भारतका एक ७० वर्षका कृषक विगत ४० दिनबाट भोक हड्तालमा उत्रिएका छन् । जगजित सिंह धल्लेवाल नामका कृषक हड्तालमा बसेका हुन् ।

बेलायती विश्व च्यानल बीबीसीका अनुसार धल्लेवालको आन्दोलन गत फेब्रुअरीबाट सुरु भएको भारतको पन्जाब र हरियाणाका किसान आन्दोलनको एक रुप हो । उनको स्वाथ्यमा समस्या आएकोले उनलाई अस्पतालमा लान भारतको सर्वोच्च अदालतले आदेश दिएको थियो । पन्जाब सरकारकालाई यस्तो आदेश दिइएको थियो ।

भारतका किसानहरुले दिल्लीसम्म मार्च गर्न खोजेका छन् । तर, उनीहरुलाई रोकिएको बीबीसीले उल्लेख गरेको छ । भारतका किसान आन्दोलनका विभिन्न मागहरुमा न्यूनतम समर्थन मूल्यको प्रत्याभूति, ऋण मिनाहा, किशान र कृषि श्रमिकलाई पेन्सन, विद्युतको महशुल वृद्धिको अन्त्य, किशान आन्दोलनमा मारिएकाहरुलाई क्षतिपूर्ति लगायत छन् ।