क्यानडाका प्रधानमन्त्रीलाई गभर्नर बन्न आग्रह गर्ने ट्रम्पले क्यानडाको नक्सा अमेरिकामा देखाए

काठमाडौं । केही समय अगाडि क्यानडाका तत्कालीन प्रधानमन्त्री जस्टिन ट्रूडोलाई क्यानडा अमेरिकामा गाभेर क्यानडाको गभर्नर बन्न नवनिर्वाचित अमेरिकी राष्ट्रपति डोनाल्ड ट्रम्पले आग्रह गरेका थिए । त्यसको विरोध क्यानडाले गरेको थियो ।

गर्भनर बन्न आग्रह गरिएका ट्रुदोको राजीनामा आइसकेको छ । अब फेरि ट्रम्पले देशको नयाँ नक्सा सार्वजनिक गरेका छन् । त्यसमा क्यानडालाई अमेरिकामा देखाइएको छ । आफ्नै स्वामित्वको सामाजिक सञ्जाल ट्रूथ सोसलमा पोस्ट गर्दै ट्रम्पले क्यानडाको भूमिमा अमेरिकाको झन्डा फैलाएका छन् । र, क्याप्सन राखेका छन्, ‘ओ क्यानडा ।’

मंगलबार जस्टिन ट्रुडोले लेखेका थिए, ‘क्यानडा अमेरिकामा गाभिने कुनै सम्भावना छैन ।’

क्यानडाका विपक्षी दलका नेता पियरे पोइलिब्रेले पनि भनेका छन्, ‘क्यानडा ५१ औं राज्य बन्ने सम्भावना छैन ।’