दक्षिण भारतीय मन्दिरमा भागदौड मच्चिँदा ६ जनाको मृत्यु

काठमाडौं । दक्षिण भारतीय मन्दिरमा भागदौडामा परेर ६ जनाको मृत्यु भएको छ ।

दक्षिण भारतीय राज्य आन्ध्र प्रदेशको तिरुपती सहरको भेनकातेश्वरा स्वामी मन्दिरमा भएको भागदौडमा परेर बुधबारको मृत्युमा भारतका प्रधानमन्त्री नरेन्द्र मोदीले दुःख व्यक्त गरेका छन् ।

जर्मनीको विश्व च्यानल डिडब्लूका अनुसार असहज महसुस गरिरहेकी एक महिलालाई सहज बनाउन मन्दिरको ढोका खुला गरेपछि भागदौड मच्चिएको थियो ।

भागदौडमा परेर ३० जनाको गम्भिर चोट लागेको बताइएको छ । मुख्यमन्त्री तथा मोदी गठबन्धनको एक घटकका नेता एन. चन्द्रबाबु नाइडुले घटनाको छानबिन हुने बताएका छन् भने मृतकका परिवारलाई समवेदना दिएका छन् ।

भारतका विभिन्न मन्दिरहरूमा यस्ता भागदौडका घटनाहरू तारन्तार हुँदै आएका छन् । सानो स्थानमा धेरै मान्छेहरू भेला हुने भएकोले यस्तो हुने डिडब्लूले उल्लेख गरेको छ ।