सूर्यदर्शन सहकारी संघर्ष समितिका अध्यक्ष भन्छन्- पीडितलाई न्याय दिने आदेश आएन

काठमाडौं । सूर्यदर्शन सहकारी संस्थाको रकम अपचलनको मुद्दामा पूर्वगृहमन्त्री एवम् रास्वपा सभापति रवि लामिछानेसहितका आरोपितलाई धरौटीमा छाड्ने आदेश भएपछि पीडितहरुले न्याय नपाएको गुनासो गरेका छन् ।

सूर्यदर्शन सहकारी पीडित संघर्ष समितिका अध्यक्ष किरण श्रेष्ठले जिल्ला अदालत कास्कीको आदेशपछि प्रतिक्रिया दिँदै पीडितले न्याय पाउने आदेश नआएको गुनासो गरे ।

उनले भने, ‘पीडितलाई न्याय दिने आदेश आएन ।’ अदालतले लामिछाने, छविलाल जोशीलगायत आरोपितलाई नगद धरौटीमा छाड्ने आदेश दिएको थियो ।