फोनिज धादिङको नेतृत्वमा अर्जुन श्रेष्ठ

हेटौंडा । नेपाल आदिवासी जनजाति पत्रकार महासंघ (फोनिज) जिल्ला शाखा धादिङको पाँचौं अधिवेशनबाट अर्जुन श्रेष्ठको नेतृत्वमा नयाँ कार्यसमिति निर्माण भएको छ ।

अधिवेशनले उपाध्यक्षमा राजाराम डंगोल, सचिवमा वीरमान तामाङ, सहसचिवमा रचना श्रेष्ठ र कोषाध्यक्षमा दिलीप श्रेष्ठलाई चयन गरेको छ ।

सदस्यहरुमा ईश्वर मगर, सुनिता चेपाङ, गजेन्द्र गुरुङ, भुवन महर्जन, विकल चेपाङ र रीताकुमारी मगर निर्वाचित भएका छन् । अधिवेशनले संघीय प्रतिनिधिमा शंकर श्रेष्ठ, सरिता श्रेष्ठ, काजी श्रेष्ठ र नीरमाया तामाङलाई चयन गरेको छ ।

प्रदेश प्रतिनिधिमा सन्तोषराज श्रेष्ठ, रेखबहादुर गुरुङ, नीरबहादुर तामाङ, लक्ष्मी भुजेल, लक्ष्मी शाक्य, विनोद तमु र अशोक श्रेष्ठलाई चयन गरिएको छ ।