राप्रपाको स्थानीय तह विभागमा मनोनीतलाई लिङ्देनले दिए मनोनयन पत्र

काठमाडौं । राप्रपाको स्थानीय तह परिचालन विभागमा मनोनयन भएकाहरूलाई अध्यक्ष राजेन्द्र लिङ्देनले मनोनयन पत्र प्रदान गरेका छन् ।

विभागका प्रमुख वरिष्ठ नेता उपाध्यक्ष ध्रुवबहादुर प्रधानको सिफारिसमा केन्द्रीय सदस्य केदार कोइरालालाई कोशी प्रदेश संयोजक, केन्द्रीय सदस्य विनोद भारतीलाई मधेश प्रदेश संयोजक, केन्द्रीय सदस्य पूर्वमन्त्री परशुराम तामाङलाई बागमती प्रदेश संयोजक, केन्द्रीय सदस्य ताहिर अलीलाई लुम्बिनी प्रदेश संयोजक, केन्द्रीय सदस्य शंकर खराललाई गण्डकी प्रदेश संयोजक, केन्द्रीय सदस्य तिर्थराज चटौतलाई सुदूरपश्चिम संयोजकको जिम्मेवारी प्रदान गरिएको प्रवक्ता मोहन श्रेष्ठले बताए ।

प्रदेशगत मनोनयनमा परेकाहरू विभागको सदस्यमा पनि मनोनयन भएका छन् ।

यसअघि विभागमा केन्द्रीय सदस्य भरत पाठक सदस्य सचिव र केन्द्रीय सदस्य रामहरि थापा, केन्द्रीय सदस्य देवकुमारी पराजुली (देबु), र विनोद कुमार यादव सदस्य रहेका थिए ।

त्यस अवसरमा विभागले तयार पारेको स्थानीय तह विभागको कार्यविधि विभागीय प्रमुख प्रधानले अध्यक्ष लिङ्देनलाई हस्तान्तरण गरे ।