अमेरिका र रुसी नेतृत्वको बोलचाल बन्द अन्त्य हुँदै : ट्रम्प-पुटिन टेलिफोन संवाद चाँडै

काठमाडौं । यही नोभेम्बर २० मा राष्ट्रपतिको शपथ लिन लागेका डोनाल्ड ट्रम्प र रुसका राष्ट्रपति भ्यादिमिर पुटिनका बिचमा चाँडै टेलिफोन संवाद हुने भएको छ ।

ट्रम्पले राष्ट्रिय सुरक्षा सल्लाहकारको रूपमा आफ्नो क्याबिनेटमा नियुक्त गरेका माइकल वाल्जले यस्तो बताएका हुन् । रुसी विश्व च्यानल आरटीका अनुसार वाल्जले केहि दिन वा केहि हप्तामा यस्तो संवाद हुने बताएका छन् ।

वाल्जले आइतबार अमेरिकाको एबीसी न्यूजलाई बताए अनुसार त्यो फोन संवादले आगामी दिनमा हुने समन्वय र सहकार्यको बाटो तय गर्नेछ । अमेरिका र रुसका उच्च नेतृत्वको फोन संवाद भएमा त्यसले दुई देशको उच्च नेतृत्वमा भएको संवादहीनताको अन्त्य गर्ने छ ।

खासगरि युक्रेन हमलापछि अमेरिकी राष्ट्रपति जो बाइडेनले पुटिनलाई धेरै आरोप लाएका थिए ।

मिडियामै सार्वजनिक भएका उनका आरोपहरूमा पुटिनलाई ‘हत्यारा’, ‘बोक्सीको छोरा’देखि ‘युद्ध अपराधी’ जस्ता गैरकूटनीतिक पदावली प्रयोग गरेर बाइडेनले आक्षेप गरेका थिए ।

पुटिन भन्दा धेरै सर्वसाधारण हत्या गरेका तथा अन्तर्राष्ट्रिय अदालतले युद्ध अपराधी भनिएका इजरायली प्रधानमन्त्री नेतान्याहुलाई भने बाइडेनले केहि भनेका छैनन् ।