क्यालिफोर्नियामा आगो निभाउन अमेरिकी कैदीहरु सक्रिय, पाउँछन् प्रतिघण्टा १०.२४ डलर

काठमाडौं । अमेरिकाको क्यालिफोर्नियामा गत जनवरी ७ बाट लागेको आगलागी नियन्त्रण गर्न कैदीहरु सक्रिय भएका छन् । कतारी विश्व च्यानल अलजजिराका अनुसार ९५० जना कैदी अग्नि नियन्त्रकहरु सरकारी निकायसँगै मिलेर आगो निभाउन सक्रिय छन् ।

आगो निभाउन सहभागी कैदीलाई प्रतिघण्टा १०.२४ अमेरिकी डलर पारिश्रमिक तोकिएको छ । यो क्यालिफोर्नियाको १६.५४ अमेरिकी डलर प्रतिघण्टाको कामभन्दा चैँ सस्तो हो ।

अहिलेसम्म आगलागीमा परेर २४ जनाको ज्यान गएको औपचारिक पुष्टि भइसकेको अलजजिराले उल्लेख गरेको छ । आगलानीबाट १५ हजार ३०० हेक्टर जमिनमा क्षति पुगेको छ । १२ हजारभन्दा धेरै संरचना ध्वस्ता भएको बताइएको छ । १६ जनाको अवस्था अज्ञात भएको र एक लाखभन्दा बढी विस्थापित भएका छन् ।