अग्नि सापकोटाबारे प्रचण्ड- धेरै मेहनत गरेर सभामुख बनाएँ, पेचिलो परिस्थितिमा कार्यसम्पादन गर्नुभयो (भिडिओ)

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले सिन्धुपाल्चोकको जनप्रतिनिधि अग्नि सापकोटालाई आफूले धेरै मेहनत गरेर अघिल्लो कार्यकालमा सभामुख बनाएको बताएका छन् ।

सातौं महिला तथा आठौं पुरुष राष्ट्रिय बिच भलिबल प्रतियोगिता उद्घाटन समारोहलाई सम्बोधन गर्दै सभामुखको हैसियतले पेचिलो परिस्थितिमा पनि सफलतापूवर्क कार्यसम्पादन गरेको स्मरण गरे ।

उनले भने, ‘अप्ठेरो परिस्थितिमा मैले सिन्धु्पाल्चोकको जनप्रतिनिधि अग्नि सापकोटालाई सभामुख बनाउन धेरै मेहनत गरेको हुँ । तपाईंहरुलाई थाहा छ, उहाँले सभामुखको हैसियतले पेचिलो परिस्थितिमा पनि सफलतापूवर्क कार्यसम्पादन गर्नुभयो ।’

प्रचण्डले प्रतिनिधिसभा सदस्य माधव सापकोटा र प्रदेशसभा सदस्य सरल सहयात्रीले पनि राम्रो भूमिका निर्वाह गरिरहेको भन्दै आफूले सक्दो सहयोग गर्ने बताए ।