माधव नेपालको टिप्पणी- कम्युनिष्ट भनिएकाहरुले मुलुक चलाएपनि जनता सन्तुष्ट छैनन् (भिडिओ)

काठमाडौं । नेकपा एकीकृत समाजवादीका अध्यक्ष माधव नेपालले कम्युनिष्ट भनिएकाहरुले मुलुक चलाइरहेपनि जनता सन्तुष्ट हुन नसकेको टिप्पणी गरेका छन् ।

पिस्कर स्मृति दिवसको अवसरमा आयोजित कार्यक्रमलाई सम्बोधन गर्दै प्रधानमन्त्री ओलीलाई लक्षित गर्दै अध्यक्ष नेपालले नामको मात्रै कम्युनिष्ट भएर नहुने बताए ।

‘हाम्रो पार्टीले बेठिक कुराहरुको विरोध गर्छ, राम्रो कुरालाई प्रोत्साहित गर्छ। सबैलाई विश्वास दिलाउँछ न्याय र निमुखाको आवाज बन्ने पार्टी हुन्छ भनेर । इमान्दार र असल चरित्रलाई प्रोत्साहन गर्छौँ’, उनले भने, ‘कम्युनिष्ट भनिएका पार्टीहरुले मुलुक चलाइरहेका छन् । तर, जनता सन्तुष्ट हुन सकिरहेका छैनन् । कम्युनिष्ट भनेर मात्रै पनि हुँदो रहेनछ। त्यसैले कम्युनिष्टको नाममा गैर कम्युनिष्ट काम गर्न भएन। कम्युनिष्टको नाम र मर्यादा राख्न सक्नुपर्छ । त्याग तपस्या र बलिदानमा कीर्तिमान राख्न सक्नुपर्छ ।’

उनले श्रीलंकाको कम्युनिष्ट पार्टीको उदाहरण दिँदै निराश हुने र अल्छि गर्नेहरुले केही गर्न नसकेको सुनाए ।