आर्सनल दोस्रो स्थानमा उक्लियो

काठमाडौं । इंग्लिस प्रिमियर लिग (इपिएल) मा आर्सनल दोस्रो स्थानमा उक्लिएको छ । गएराती भएको खेलमा टोटनह्याम्पलाई २-१ ले पराजित गर्दै आर्सनल दोस्रो स्थानमा उक्लिएको हो ।

खेलमा पहिलो गोल टोटनह्याम्पले गरेको थियो । उसको लागि पहिलो गोल सनले खेलको २५ औँ मिनेटमा गरेका थिए ।

तर खेलको ४० औँ मिनेटमा आर्सनलले आत्मघाती गोल उपहार पाएपछि खेल बराबरीमा पुग्यो । खेलमा ४४ औँ मिनेटमा ट्रोस्टार्डले गोल गरेपछि त्यही गोल नै विजयी गोल बन्यो ।

जितपछि आर्सनल २१ खेलबाट ४३ अंक सहित तालिकाको दोस्रो स्थानमा उक्लिएको छ । पराजित भएको टोटनह्याम्पको २४ अंक भएको छ र उ १३ औँ स्थानमा छ ।

गएराति भएको अन्य खेलहरुमा एस्टनभिल्लाले एभर्टनलाई १-० ले पराजित गर्दा लेस्टर सिटीले क्रीष्टल प्यालेसलाई २-० ले पराजित गरेको छ । यस्तै न्युक्यासल युनाईटेडले भुल्भ्सलाई ३-० ले हराएको छ ।