दिदीको अश्लील भिडियो बहिनीको मेसेन्जरमा पठाउने पूर्वप्रेमी पक्राउ

काठमाडौं । साइबर ब्यूरोले महिलाको चरित्र हत्या गरेको आरोपले एक जनालाई पक्राउ गरेको छ ।

पक्राउ पर्नेमा भोजपुर षडानन्द नगरपालिका वडा नं। ५ घर भई हाल काठमाडौंको बौद्ध नयाँ बस्ती बस्ने वर्ष ३१ को सरोज कटुवाल रहेका छन् ।

कटुवालले दिदीसँग सम्बन्धमा रहँदा जानकारी र सहमती बिना खिचि राखेका अश्लील भिडिओ तथा तस्विरहरू बहिनीको म्यासेन्जरमा पठाई चरित्र हत्या गरेका थिए ।

बहिनीको म्यासेन्जरमा दिदीकोअश्लील भिडिओ पठाएपछि पीडित महिलाले आवश्यक कारबाही गरी पाउँ भनि ब्यूरोमा निवेदन दिएका थिए ।

प्राविधिक विश्लेषणसहितको अनुसन्धान गर्ने क्रममा उक्त कार्य मा सलंग्न कटुवाललाई पुस २९ गते विद्युतीय (इलेक्ट्रोनिक) कारोबार ऐन, २०६३ अन्तर्गतको कसुरमापक्राउ गरी काठमाडौं जिल्ला अदालतबाट ५ दिनको म्याद थप भई आवश्यक अनुसन्धान कार्य भइरहेको ब्यूरोका प्रवक्ता दिपक राज अवस्थीले बताए ।