लाखौं अमेरिकी कर्मचारीलाई आठ महिनाको तलब लिएर राजीनामा गर्न ट्रम्प प्रशासनको आग्रह
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2025/01/donald-trupm-new.jpg)
काठमाडौं । सरकारी संयन्त्र चुस्त र दुरुस्त बनाउने मुद्दा लिएका अमेरिकी राष्ट्रपति डोनाल्ड ट्रम्प प्रशासनले आठ महिनाको तलब लिएर जागिर छोड्न चाहेमा राजीनामा दिन लाखौं कर्मचारीहरुलाई इमेल गरेको छ ।
बेलायती विश्व च्यनल बीबीसीका अनुसार मंगलबार अमेरिकाका लाखौं कर्मचारीहरुलाई उक्त इमेल पठाइएको छ । अमेरिकामा बीस लाख सरकारी कर्मचारी भएको बताइएको छ । यही फेब्रुअरी ६ बाट काम गर्ने कि राजीनामा दिने भन्नेमा निर्णय लिन आग्रह गरिएको छ ।
खासगरी घरबाटै कार्यालयको काम गर्ने दुई लाख हाराहारी कर्मचारीलाई यस्तो जोड गरिएको छ । ट्रम्प प्रशासनले दश प्रतिशत कर्मचारीहलाई यसरी बिदा दिएर एक खर्ब अमेरिकी डलर जोगाउने उद्देश्य लिएको छ ।
ट्रम्पले सरकारी संयन्त्रलाई चुस्त बनाएर खर्बपतिहरु एलन मस्क र विवेक रामास्वामीलाई डिपार्टमेन्ट अफ गभर्मेन्ट इफिसिएन्सी (डज)को नेतृत्व लिन यसअगाडि नै नियुक्त गरिसकेका छन् । सरकारी संयन्त्रको संख्या कटौती गरी सानो ठिक्कको र खर्च जोगाउने बनाउने मस्क र रामाश्वामीले बताउँदै आएका छन् ।
ट्रम्पले ट्विटर (एक्स) तथा टेस्ला अनि स्पेस एक्सका मालिक मस्क र ट्रम्पलाई समर्थन गरेर राष्ट्रपति उम्मेदवारी फिर्ता लिएका रामाश्वामीलाई डजको नेतृत्व गर्न दिएका छन् ।