आमा बनेपछि चिन्नै नसकिने गरी फेरिइन् दीपिका, गालाको डिम्पल गायब ! – Nepal Press

आमा बनेपछि चिन्नै नसकिने गरी फेरिइन् दीपिका, गालाको डिम्पल गायब !

काठमाडौं । बलिउड अभिनेत्री दीपिका पादुकोणको पछिल्लो रुप देखेर फ्यानहरु चकित परेका छन् । आमा बनेपश्चात उनको रुप रंग चिन्नै नसकिने गरी फेरिएको छ ।

दीपिकाले गत वर्ष सेप्टेम्बर ८ मा पहिलो सन्तानका रुपमा छोरीलाई जन्म दिएकी थिइन् । आमा बनेपछि लामो समय उनी लाइमलाइटबाट हराइन् ।

केही दिनअघि उनी एक र्‍याम्पमा देखा पर्दा बिलकुलै नयाँ अन्दाजमा थिइन् । सब्यासाची ज्वैलरीको वार्षिकोत्सवमा दीपिकाले र्‍याम्प गरेकी हुन् ।

तर, त्यहाँ उनको गेटहप र हाउभाउमा पुरानो छनक कतै पनि थिएन । हिँडाइ निकै सुस्त थियो । कालो फ्रेम भएको चश्मा लगाएर सेतो ट्रेन्च कोट, पाइन्ट र ज्वेलरीहरुमा प्रस्तुत भएकी उनी पुरानी अभिनेत्री रेखाजस्तै देखिइन् । मोटाएर उनको गालाको डिम्पल गायब भएको थियो ।

र्‍याम्प गरिरहँदा रेखाको अनुहारमा मुस्कान पनि थिएन । उनी निकै सिरियस भावमा थिइन् । उनको यो लुकप्रति फ्यानहरुले विभिन्न टिकाटिप्पणी गरिरहेका छन् । कसैले प्रशंसा गरेका छन् त कसैले ट्रोल । दीपिकाको यो लुक हेर्दा उनी चाँडै फिल्ममा कमब्याक गर्छिन् जस्तो देखिँदैन ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर