ब्राह्मण किशोरीको ‘किस सिन’ राखेपछि अनुराग कश्यप विवादमा, युट्युबबाट टिजर हटाउन माग


काठमाडौं। बलिउड निर्देशक अनुराग कश्यपको चलचित्र ‘ब्याड गर्ल’को टिजर विवादमा तानिएको छ । टिजरले ब्राह्मणहरूको बदनाम गरेको भन्दै चलचित्र र कश्यपको आलोचना सुरू भएको हो ।
टिजर युट्युबबाट हटाउन माग भइरहेको यस चलचित्र एक ब्राह्मण किशोरीको कथामा आधरित छ । ती किशोरीले कलेजको एक युवकसँग डेट गर्न चाहन्छिन् ।
तर, जब लिशोरसँग डेट गर्न सुरू गर्छिन्, तब उसलाई अपमानजनक व्यवहार गरिन्छ । यसपछि ती किशोरी विद्रोह गर्दै घरबाट टाढा जान्छिन् र आफ्नो जिन्दगी जिउँछिन् ।
टिजरमा किशोरी र किशोरको किस सिन पनि देखाइएको छ ।
चलचित्रलाई लिएर निर्माता मोहन जीले एक्समा लेखेका छन्, ‘ब्राह्मण किशोरीलाई त्यसरी देखाउनुको साटो आफ्नै जातको किशोरीमाथि चलचित्र बनाएर सबैभन्दा पहिला आफ्नै परिवारलाई देखाउनु ।’
फरक स्वादको चलचित्रको पारखीका लागि यस वर्षको प्रतिक्षित चलचित्र ‘ब्याड गर्ल’को रिलिज डेट सार्वजनिक गरिएको छैन । तर, यो चलचित्रले रोटरढम अन्तर्राष्ट्रिय फिल्म फेस्टिभलमा टाइगर कम्पिटिसन विधामा प्रतिस्पर्धा गर्दैछ । चलचित्रको निर्देशन भने वर्षा भरतले गरेका हुन ।