लाज शरणम’को टिजर रिलिज, केन्द्रमा धुर्मुस र विजय बराल ?


काठमाडौं । शिवरात्रीको अवसर पारी यही फागुन १४ गतेबाट रिलिजको तयारीमा रहेको चलचित्र ‘लाज शरणम’को टिजर सार्वजनिक भएको छ । करिब २ मिनेट लामो सार्वजनिक टिजरले चलचित्रको कथावस्तु र चरित्र चित्रणबारे बताएको छ ।
उपल्लो डोल्पाको एक युवक विदेश जाने तयारीमा रहेको कथासहित सुरु भएको टिजरको केन्द्रमा सीताराम कट्टेल ‘धुर्मुस’ छन् । अभिनेता बिजय बरालको भुमिकालाई पनि टिजरमा रोचक तरिकाले प्रस्तुत गरिएको छ ।
धुर्मुस र विजय बरालसहित चलचित्रका सबै कलाकारको झलक टिजरमा देख्न पाइन्छ । त्यसपछि दृश्यमा कफिन देखाइएको छ र कफिनलाई केन्द्रमा राखेर कथा अघि बढईएको छ ।
वैदेशिक रोजगार र युवाको श्रमशक्तिलाई केन्द्रमा राखेर निर्माण गरिएको यो चलचित्रलाई चर्चित टिभी श्रृंखला ‘सक्किगो नि’ निर्माता कम्पनी जेपीटी क्रिएसनले निर्माण गरेको हो। फागुन १४ बाट यो चलचित्र नेपालसहित अन्तर्राष्ट्रिय बजारमा एकसाथ प्रदर्शनमा आउँदैछ ।