ट्रम्पको फेसबुक, इन्टाग्राम खाता बन्द गरेको क्षतिपूर्ति मिलाउन मेटाले साढे दुई करोड डलर तिर्दै


काठमाडौं । सन २०२१ बाट सन २०२४ जुलाईसम्म अमेरिकी राष्ट्रपति डोनाल्ड ट्रम्पको फेसबुक तथा इन्टाग्रामका खाता बन्द गराएको फेसबुकको मातृ कम्पनी मेटाले साढे दुई करोड अमेरिकी डलर क्षतिपुर्ति तिर्ने भएको छ ।
बेलायती विश्व च्यानल बीबीसीका अनुसार सन २०२१ जनवरी ६ मा अमेरिकाको क्यापिटोल हिलमा भएको दंगाको समयपछि ट्रम्पको फेसबुक बन्द गरिएको थियो । त्यसको विरुद्धमा ट्रम्प अदालत गएका थिए ।
त्यहि मुद्दा मिलान गर्ने क्रममा मेटाले साढे दुई करोड तिर्न राजी भएको हो । यो खबर सबैभन्दा पहिले वाल स्ट्रिट जर्नलले सार्वजनिक गरेको थियो ।
मुद्दा मिलाएको दुई करोड २० लाख डलर ट्रम्पको पुस्तकालायको स्थापनामा खर्च गरिने बताइएको छ । गत नोभेम्बरमा ट्रम्पले चुनाव जितेपछि मेटा मालिक मार्क जुकरबर्ग ट्रम्पलाई भेट्न उनकै रिसोर्ट मार आ लागोमा पुगेका थिए ।
आफूलाई मेटाका फेसबुक तथा इन्टाग्राम अनि ट्विटरबाट प्रतिबन्द गरेपछि ट्रम्पले आफ्नै स्वामित्वको सामाजिक संजाल ट्रूथ सोसल संचालनमा ल्याएका थिए ।
खर्बपति ट्रम्पले अहिले पनि आफ्र्नै संजालमा पोस्ट गर्ने गरेका छन् । एलन मस्कले किनेपछि मात्रै ट्विटरबाट ट्रम्पको प्रतिबन्द फुकुवा भएको थियो । ट्रम्प फेरि राष्ट्रपतिय चुनावमा जाने र जित्ने अनुमान आउन थालेपछि मात्रै मेटाले प्रतिबन्द फुकुवा गरेको थियो ।