बढ्यो सुनचाँदीको मूल्य

२०८१ माघ १८ गते १०:४६

फाइल तस्विर
काठमाडौं । सुनचाँदीको मूल्यमा सामान्य वृद्धि भएको छ । स्थानीय बजारमा प्रतितोला सुनको मूल्य दुई हजार ३०० रुपैयाँले बढेको छ ।
नेपाल सुनचाँदी व्यवसायी महासङ्घका अनुसार आज छापावाल सुन प्रतितोला एक लाख ६२ हजार ८०० रुपैयाँमा कारोबार भइरहेको छ । बिहीबार छापावाल सुन प्रतितोला एक लाख ६० हजार ५०० रुपैयाँमा कारोबार भएको थियो ।
आज चाँदीको मूल्य प्रतितोला ३० रुपैयाँ बढेर एक हजार ९१५ मा कारोबार भइरहेको छ । बिहीबार सोही परिमाणको चाँदी एक हजार ८८५ रुपैयाँमा कारोबार भएको थियो ।
प्रतिक्रिया