निश्चलको संशय: आर्थिक लेनदेनले जुटाएको सहमति हो भने धेरैलाई अप्ठ्यारो पर्नेछ – Nepal Press

निश्चलको संशय: आर्थिक लेनदेनले जुटाएको सहमति हो भने धेरैलाई अप्ठ्यारो पर्नेछ

काठमाडौं । आजबाट प्रदर्शनमा आएको चलचित्र ‘एक्टर: टेक वन’ र ‘एक्टर’ चलचित्रका निर्माताबीच भएको सहमतिलाई लिएर निर्देशक निश्चल बस्नेतले शंशय प्रकट गरेका छन् ।

यदि आर्थिक लेनदेन भएपछि मात्रै अदालतमा पुगेको मुद्दालाई फिर्ता लिइएको हो भने भविष्यमा गलत नजिर बस्ने मात्रै नभएर धेरै चलचित्रकर्मीलाई अप्ठ्यारो पार्ने शंशय व्यक्त गरेका छन् ।

उनले फेसबुकमा थप लेखेका छन्, ‘यदि सहमति मात्रै भएको हो भने दुःख दिन, रिलिज बिगार्नलाई यस्तो हर्कत भएको हुनसक्छ । यस्तो सब भइरहँदा पनि न निर्माता संघको धारणा आयो, न निर्देशक समाजको, न विकास बोर्डको । दुई फिल्मको इगोको लडाइँ मात्रै सम्झिएपछि कसको के लाग्छ रु फिल्म दर्ता प्रणालीमा ठूलो भ्वाङ रहेछ ।’

उनले विकास बोर्डलाई इंगित गर्दै कपीराइटलाई व्यवस्थित गर्नुपर्छ भनेर कसैले सम्झाइदिन आग्रह समेत गरेका छन् ।

‘एक्टर :टेक वन’को कलाकार समेत रहेका उनले लेखेका छन्, ‘दुई पक्षबीच भएको सहमतिमा यो दुई दिनको छुट्टीको दिनमा भएको व्यापार घाटाको क्षतिपूर्तिको कुरा भयो कि भएन रु’

‘एक्टर: टेक वन’ले आफ्नो चलचित्र ‘एक्टर’को नाम कपी गरेको भन्दै निर्माता सम्राट थापाले काठमाडौं जिल्ला अदालतमा रिट दायर गरेका थिए । थापाको रिटउपर अदालतले फैसला गर्दै माघ २२ गतेसम्मलाई चलचित्रको प्रदर्शन रोक्नु भन्ने अल्पकालीन आदेश दिएको थियो ।

उक्त आदेशपछि गत १६ गतेबाट प्रदर्शनमा आउने भनिएको चलचित्र रोकिएको थियो । तर, दुई दिनपछि दुई पक्षबीच आपसी सहमति भयो । थापाले अदालतबाट मुद्दा फिर्ता लिएपछि आजबाट देशव्यापी रुपमा चलचित्र प्रदर्शन भइरहेको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर