हमासको कब्जाका थप तीन बन्धक रिहाइ हुँदै, अझै अटाएनन् विपीन जोशी

काठमाडौं । हमासले थप तीन जना बन्धक शनिबार रिहा गर्ने भएको छ । हमाससँगको समन्वय गरिरहेको एक देश कतारको विश्व च्यानल अलजजिराका अनुसार तीन जना बन्धकहरु सबै इजरायली हुन् ।

उनीहरुको ओफर काल्देरोन, किथ सिगेल र यार्देन बिबास भएको बताइएको छ । अलजजिराका अनुसार हमासले तीन बन्धक छोडेसँगै इजरायललले पनि सहमतिअनुसार ९० जना प्यालेस्टाइनी बन्दीहरु रिहाई गर्ने भएको छ ।

इजरायलले जन्मकैद फैसला पाएका नौ जना तथा अरु लामो सजाय सुनाइएका ८१ जनाको रिहाई गर्ने भएको हो । यस अगडि इजरायल बाहेक थाइल्याण्डका बन्धकहरु पनि रिहाई भएका थिए ।

केही दिन अगाडि इजरायली अखबार टाइम्स अफ इजरायलले हमासको बन्धकमा भएकाहरुमा थाइ बाहेक एक नेपाली र एक तान्जानियाली भएको उल्लेख गरेको थियो । उक्त समाचारले विपिन जोशी जिवित भएको संकेत गरेको थियो ।

नेपाल सरकारले कतार, इजिप्ट तथा इजरायल सबै पक्षसँग विपिन जोशीको रिहाईको कूटनीतिक पहल गरिरहेको छ । तर, अहिलेसम्म जोशीको रिहाई भएको छैन ।