टी-२० आई सिरिज: जितको खोजीमा नेपाल, आज थाइल्याण्डसँग भिड्दै
नेपाल प्रेस
२०८१ माघ १९ गते ९:०१
काठमाडौं । त्रिदेशीय महिला टी-२० आई सिरिज अन्तर्गत आज नेपालले दोस्रो खेल थाइल्याण्डसँग खेल्दै छन् ।
खेल कीर्तिपुरस्थित त्रिवि क्रिकेट मैदानमा दिउँसो सवा १२ बजे शुरू हुनेछ । बिहीबार भएको पहिलो खेलमा नेपाल नेदरल्यान्ड्ससँग २० रनले पराजित भएको थियो ।
शुक्रबार नेदरल्यान्ड्स र थाइल्याण्डबीच भएको खेलमा नेदरल्यान्ड्स ८ विकेटले पराजित भएको थियो । आज नेपाल थाइल्याण्डलाई हराउँदै पहिलो जितको खोजीमा हुनेछ ।
नेपाल क्रिकेट संघ (क्यान)ले खेल हेर्नकाे लागि प्रवेश नि:शुल्क गरेकाे छ ।
सिरिजका एक टोलीले ६ खेल खेल्नेछ । नेपालले नेदरल्यान्डस् र थाइल्यान्डसँग ३-३ खेल खेल्नेछ ।
नेदरल्यान्डस् र थाइल्यान्डले पनि एक आपसमा ३ खेल खेल्नेछन् । यी खेल सकिएपछि अंकतालिकाको शीर्ष स्थानमा रहने टोलीले सिरिजको उपाधि जित्नेछ ।
नेपाल प्रेस
प्रकाशित: २०८१ माघ १९ गते ९:०१
प्रतिक्रिया
सम्बन्धित खवर
नेपाल अपडेट
ट्रेन्डिङ
लोकप्रिय (यो साता)
