‘गल्फ अफ मेक्सिको’ उच्चारण गरेको भन्दै अमेरिकी पत्रकारलाई ह्वाइट हाउस छिर्न प्रतिबन्ध

काठमाडौं । गल्फ अफ मेक्सिको उच्चारण गरेको आधारमा एक अमेरिकी पत्रकारलाई ह्वाइट हाउसमा छिर्न प्रतिबन्ध लगाइएको छ ।

जर्मनको विश्व च्यानल डीडब्लूका अनुसार अमेरिकी सरकारी समाचार एजेन्सी एपीका पत्रकारले राष्ट्रपति डोनाल्ड ट्रम्पले नयाँ न्वारान गरेको गल्फ अफ अमेरिका नभनेर गल्फ अफ मेक्सिको भनेको आधारमा उनलाई प्रवेश नदिइएको हो ।

यो घटना मङ्गलवारको हो । एपीकी कार्यकारी सम्पादक जुली पेसले ट्रम्प प्रशासनले स्वतन्त्र पत्रकारिता गर्नमा अवरोध गरेको भन्दै सार्वजनिक वक्तव्य दिएकी छिन् ।

एपीले आफ्नो स्टाइल बुकमा पछिल्लो ४०० वर्षमा गल्फ अफ मेक्सिको कै नाम प्रयोग भएको भन्दै आफू विश्व न्यूज एजेन्सी भएकोले त्यही नाम प्रयोग गर्ने बताएको छ ।

हालसालै गुगल र एपलले अमेरिकी राष्ट्रपतिले दिएकै नाम ‘गल्फ अफ मेक्सिको’ प्रयोग गरेका छन् ।

यस्तै ट्रम्प प्रशासनले पत्रकारलाई निषेध गरेकोमा ह्वाइट हाउस करोसपोन्डेन्ट्स एसोसिएसनले विरोध प्रदर्शन गरेको छ ।

अध्यक्ष युजेन डेनियल्सले प्रवेश निषेधको घटन अस्वीकार्य भएको भन्दै सार्वजनिक वक्तव्य दिएका छन् ।