एभर्टनसँग बराबरीमा रोकियो लिभरपुल

हेटौँडा। इङ्लिस प्रिमियर लिग (इपीएल) मा लिग लिडर लिभरपुल र एभर्टनले बराबरी खेलेका छन् ।

बुधवार राती भएको खेलमा इन्ज्युरी समयको आठौँ मिनेटमा गोल गर्दै एभर्टनले लिभरपुललाई बराबरीमा रोक्न सफल भयो ।

खेलमा पहिलो अग्रता पनि एभर्टनको बेतोले खेलको ११ औँ मिनेटमा लिएको थियो । तर अलिस्टेरले १६ औँ मिनेटमा गोल गर्दै टिमलाई बराबरीमा लगे ।

खेलको ७३ औँ मोहम्मद सलाहले गोल गरेपछि लिभरपुल २-१ ले अगाडि रह्यो । तर एभर्टनले खेलको इन्जुरी समयको आठौँ मिनेटमा गोल गरेपछि खेल २-२ को बराबरीमा सकियो ।

बराबरीको बाबजुद पनि लिभरपुल २४ खेलबाट ५७ अङ्क सहित पहिलो स्थानमा कायम छ । एभर्टनको २४ खेलबाट २७ अङ्क पुगेको छ र तालिकाको १५ औँ स्थानमा छ ।