अजरबैजान र इरान हुँदै आउने रुस-भारत नयाँ व्यापार रुटले घटायो ५६ प्रतिशत खर्च

काठमाडौं । रुस र भारतको नयाँ व्यापार मार्गले दुई देशको व्यापारको लागत स्वाट्टै घटाएको छ । रुसी विश्व च्यानल आरटीका अनुसार उक्त रुटले व्यापार खर्च घटाएको तथा व्यापार आयातन बढाएको छ ।

इन्टरनेसनल नर्थ साउथ ट्रेड करिडोरको नाममा परिचित नयाँ रुट रुस, अजरबैजान, इरान हुँदै भारत आउँछ ।

यसले पुरानो लामो रुट भन्दा छोटो समयमा सहज आयात निर्यातमा सहजता थपेको आरटीले उल्लेख गरेको छ । उक्त रुटबाट व्यापार १.७ गुुणाले बढेको रुसी अधिकारीहरुले दाबी गरेका छन् ।

युक्रेन युद्ध सुुरु भएसँगै अमेरिका तथा यूरोपेली देशहरुको नाकाबन्दीमा परेता पनि रुस र भारतले व्यापार गर्दै आएका छन् ।

उनीहरुले पश्चिमा देशहरुलाई नछोइकन बनेको नयाँ व्यापार करिडोरबाट व्यापार बढाएका छन् ।