युक्रेन अशिष्ट भएको डोनाल्ड ट्रम्पको आरोप : अर्थसचिवलाई गरिएको ‘व्यवहार’मा आपत्ति

काठमाडौं । अमेरिकी राष्ट्रपति डोनाल्ड ट्रम्पले युक्रेन अशिष्ट भएको भन्दै आरोप लगाएका छन् । बुधबार अमेरिकी राष्ट्रपति चढ्ने जहाज एयर फोर्स वानमा उक्लनु अगाडि ट्रम्पले पत्रकारसँग यस्तो बताएको रुसी विश्व च्यानल आरटीले उल्लेख गरेको छ ।

आरटीका अनुसार अमेरिकी अर्थसचिव स्कट बेसेन्टले युक्रेनको राजधानी किभमा यात्रा गर्दा खराब व्यवहार गरिएको भन्दै ट्रम्पले आलोचना गरेका छन् । उनले लामो रेल यात्रामा किभ पुगेका स्कटसँग भेट्न राष्ट्रपति भोलोदिमिर जेलेन्स्कीले समय नदिएको बताएका छन् ।

उनले भनेका छन्, ‘जेलेन्स्की सुतिरहेकोले भेट्न हाजिर भएनन् ।’ युक्रेनका खनिजहरुमा अमेरिकालाई स्थान दिनेबारेमा कुनै सम्झौता नभएकोमा ट्रम्पले आपत्ति जनाएका छन् ।

पछिल्लो समयमा ट्रम्प र जेलेन्स्कीको वाक युद्ध सुरु भएको छ । ट्रम्पले जेलेन्स्कीलाई चुनाव नगर्ने तानाशाह भनेका छन् भने ट्रम्पलाई जेलेन्स्कीले रुसी मिथ्या सूचनाको अन्तरिक्षमा पुगेको आरोप लगाएका छन् । हालसालै अमेरिकी उपराष्ट्रपति जेडी भेन्सले ट्रम्पसँग मुखाले भएर युक्रेनी राष्ट्रपतिलाई कुनै फाइदा नहुने बताएका छन् ।

हालासालै रुसी र अमेरिकी विदेशमन्त्रीहरुले साउदी अरबमा भेट गरेका थिए । भेटमा जेलेन्स्कीलाई निम्तो गरिएको थिएन् । त्यसपछि दुई देशका राष्ट्रपतिहरुको आरोपप्रत्यारोप सुरु भएको हो ।