को हुन् शिक्षा र राजनीतिमा ओडिसामा जमेका किटका संस्थापक अच्युत सामन्त ?

काठमाडौं । अहिले नेपालमा किट कलेजको सवाल अझै सेलाएको छैन । नेपाल आएका किटका विद्यार्थीहरुले गरेका विभिन्न पत्रकार सम्मेलन तथा जानकारीहरुले किट मुद्दा सेलाएकै छैन । किट कलेजमा नेपाली विद्यार्थीहरुलाई अपमान गर्ने दुई महिला कर्मचारीहरुले गालीको एक कारण किट संस्थाक अच्युत सामन्त थिए ।

उनलाई अपमान गरेको भन्दै किटका महिला कर्मचारीहरुले उनले ४० हजारलाई पढाएको खर्चको लेखाजोखा गरेर भनेका थिए, ‘तिम्रो देशको बजेट भन्दा धेरै’ ।

यसरी अपमान गर्ने महिला कर्मचारीले माफी मागिसकेका छन् भने किट कलेजले पनि निकाला गरेको सूचना भारतीय मिडियाहरुमा आएका छन् । आखिर को हुन् त किटका संस्थापक अच्युता ?

बीजेडीका सांसददेखि राजनीतिबाट सन्याससम्म

अच्युता सामन्त भारतको ओडिसा राज्यका प्रभावशाली नेता हुन् । त्यहाँको बलियो दल बीजेडीका नेता हुन उनी । उनी सांसद भइसकेका अनुहार हुन् । उनले ओडिसामा दुई निजी शैक्षिक संस्थाहरु खोलेका छन् ।

उनले खोलेका कालिङ्गा इन्ट्ट्यिुट अफ इस्डस्ट्रियल टेक्नोलोजी (किट) र कालिङ्गा इन्ट्ट्यिुट अफ सोसल साइन्सेज (किस)का संस्थापक पनि हुन् । किट र किसकै आधारमा उनले राजनीति बलियो बनाएका थिए । यद्यपि, पछिल्लो समयमा उनले राजनीतिबाट बिदा लिएका थिए ।

गत चुनावमा ओडिसाको कन्धमल लोक सभा सिटको चुनावमा बीजेपीसँग हारेपछि उनले राजनीतिबाट सन्यास लिएको घोषणा गरेका थिए ।

उनको उक्त घोषणाको समाचार भारतीय अखबारहरु डेकन हेराल्डदेखि टाइम्स अफ इण्डियासम्म आएको थियो । बीजेपी उम्मेदवार सुकुन्त कुमार पानिग्राहीसँग सामन्तले २१ हजार ३७१ मतले सन २०२४ को चुनावमा पराजित भएका थिए ।

आफैं प्राध्यापक डाक्टर रहेका अच्युतले किटको विवाद बढ्दै गएपछि प्रकृतिका परिवारका सदस्यहरुबाहेक नेपाली दूतावासका अधिकारीहरुसँग भेटेका अत्युतले परराष्ट्रमन्त्री डाक्टर आरजु राणा देउवा तथा खानेपानी मन्त्री प्रदीप यादवसँग फोनमा कुराकानी गरेपछि प्रकृति लम्सालको नाममा नेपाली विद्यार्थीहरुको लागि छात्रबृत्ति स्थापना गर्ने प्रतिबद्धता घोषणा गरेका थिए ।