एमसीसीबारे नेकपा एस- कहिल्यै ठिक भनेनौं, व्याख्यात्मक टिप्पणीमा पनि कमजोरी रहे (भिडिओ) – Nepal Press

एमसीसीबारे नेकपा एस- कहिल्यै ठिक भनेनौं, व्याख्यात्मक टिप्पणीमा पनि कमजोरी रहे (भिडिओ)

काठमाडौं । नेकपा एकीकृत समाजवादीका महासचिव घनश्याम भुसाल आफ्नो पार्टीले एमसीसी ठिक भनेर कहिल्यै नभनेको दाबी गरेका छन् ।

केन्द्रीय कमिटी बैठकका निर्णय सार्वजनिक गर्न आयोजित पत्रकार सम्मेलनमा महासचिव घनश्याम भुसालले व्याख्यात्मक टिप्पणीमा पनि कमजोरी रहेको स्वीकारे ।

त्यसबारे उनको भनाइ जस्ताको तस्तैः

एमसीसी ठीक भनेर हामीले भनेनौं। हाम्रो लागि एमसीसी ठिक कहिल्यै रहेन। हामीले कसरी गर्दा एमसीसी ठिक हन्छ भन्ने प्रस्ताव उठाएका हौं । यद्यपि, त्यसमा केही कमजोरी रहेका हुनसक्छ । व्याख्यात्मक टिप्पणीमा पनि केही कमजोरी रहेका हुनसक्छन् । त्यसलाई हामीले स्वीकार गर्छौँ । त्यसको अर्थ हो एमसीसीमा समस्या छन् ।

एमसीसी संविधानसँग बाज्ने कुरामा हाम्रो सबैभन्दा ठूलो असहमति छन्, त्यसपछि त्यसको लेखापरिक्षणदेखि तमाम चिजमा हाम्रो रिजर्भेसन रहेकै हो । त्यसैले एकीकृत समाजवादीले संस्थागत रुपमा कहिल्यैपनि एमसीसीको पक्षमा रहेन ।

यो संसदबाट पारित गरिएको हुनाले यसको अनुगमन पनि संसदीय हुनुपर्छ भनेर पोहोरदेखि नै हामीले यो आवाज उठाइरहेका छौं । अरु पार्टीलाई यो कुरामा कन्भिन्स गराउन सकेनौं । अहिले पनि अरु पार्टीलाई आह्वान गर्छौँ एमसीसीबारे के भएको हो ? हामीले अनुगमनको कुरा गरेका छौं । त्यो आज पनि सान्दर्भिक रहेको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर