यौनिक च्याट गर्ने अमेरिकी गुप्तचरका १०० भन्दा धेरै अधिकारी बर्खास्त गरिँदै

काठमाडौं ।अमेरिकाको गुप्तचर निकायका १०० भन्दा धेरै अधिकारीहरू बर्खास्त हुने भएका छन् । गुप्तचर विभागको च्याटरुपमा यौनिक च्याट गर्ने अधिकारीहरूलाई बर्खास्त गरिने भएको छ ।

अमेरिकी च्यानल सीएनएनका अनुसार राष्ट्रिय गुप्तचर विभागकी निर्देशक तुल्सी गाबार्डले मंगलबार यस्तो घोषणा गरेकी हुन् । फक्स न्यूजसँगको एक अन्तरवार्तामा गाबार्डले यसरी च्याट गर्नेहरू बर्खास्त गरिने र उनीहरूको सेक्युरिटी क्लियरेन्स बन्द हुने बताएकी हुन् ।

उनले औपचारिक च्याटरुपमा आपत्तिजनक सन्देशहरु पठाइएको भन्दै आपत्ति जनाएकी हुन् । अमेरिकी गुप्तचर विभागका अधिकारीहरुले यौनिक मुद्धामा च्याट गरेको कुरा सार्वजनिक भएसँगै गाबार्डको यस्तो भनाइ आएको हो ।