वैदेशिक सहायता रोक्ने मुद्दामा ट्रम्पलाई सर्वोच्च अदालतको साथ- १ खर्ब तिर्नु नपर्ने

काठमाडौं । अमेरिकाको सर्वोच्च अदालतका प्रधानन्यायाधीशले जोन रोबर्ट्सले अमेरिकी समय अनुसार बुधवार मध्यराति ट्रम्प प्रशासनले वैदेशिक सहायताको २ अर्ब डलर खर्च गर्नै पर्ने अदालती आदेश स्थगन गरेका छन् ।

अमेरिकी विश्व च्यानल सीएनएनका अनुसार ट्रम्प प्रशासनले पनि उक्त लक्ष्य पूरा गर्न असम्भव रहेको दाबी गरिएको छ।

न्यू योर्क टाइम्सले यसलाई ट्रम्पको जितको कोणमा व्याख्या गरेको छ । प्रधानन्यायाधिशले बुधवार मध्यरात ट्रम्पको कानुनी टीमको अपिल अनुसार ‘प्रशासकीय स्थगन’को आदेश दिएका हुन ।

यो आपत्कालीन अपिल पहिलो पटक राष्ट्रपति डोनाल्ड ट्रम्पको संघीय सरकारलाई पुनः संरचना गर्ने मुद्दा सर्वोच्चमा पुगेको हो ।

जसमा विभिन्न सरकारी निकायहरूमा ठूलो मात्रामा बजेट कटौतीसमेत समावेश छ । यो मुद्दाले न्यायाधीशहरूलाई कार्यकारी शाखामा ट्रम्पको शक्ति केन्द्रित अभ्याससँग अदालत जोडाएको छ ।