अमेरिकी अधिकारीहरुसँग कुरा गर्न टर्की पुगे रुसी प्रतिनिधि (भिडिओ)

काठमाडौं । अमेरिकी अधिकारीहरुसँग भेट गर्न रुसी अधिकारीहरु टर्की पुगेका छन् । रुसी विश्व च्यानल आरटीका अनुसार रुसी अधिकारीहरु राजधानी इस्तानबुलमा पुगेका हुन् ।

भेट अमेरिकी र रुसी उच्च अधिकारीहरुले बन्द कोठामा हुने आरटीले उल्लेख गरेको छ । यहि बुधबार रुसका विदेशमन्त्री सेर्गी ल्याभ्रोबले भेट हुने सूचना सार्वजनिक गरेका थिए ।

तर, भेटमा के हुने भन्नेमा उनले कुनै खुलाएका थिएनन् । सन २०२२ फेब्रुअरीमा रुसले युक्रेनमा हमला गरेपछि अमेरिका र रुसको बोलचाल बन्द भएको थियो । तर, ट्रम्प गत जनवरी २० मा राष्ट्रपति डोनाल्ड ट्रम्प भएसँगै बोलचाल सुरु भएको थियो ।

ट्रम्प र रुसका राष्ट्रपति भ्यादिमिर पुटिनको ९० मिनेट लामो फोन कुराकानीपछि अमेरिका र रुसका विदेशमन्त्रीहरुले साउदी अरबमा आमनेसामने भेट गरेका थिए । भेटपछि ट्रम्पले युक्रेनी राष्ट्रपति जेलेन्स्कीलाई तानाशाह भनेका थिए भने युक्रेनको पक्षमा ल्याइएको संयुक्त राष्ट्रसंघको एक मतमा अमेरिकाले रुसलाई साथ दिएको थियो ।

गत फेब्रुअरी १८ मा साउदी अरबमा भेट गरेका अमेरिकी तथा रुसी अधिकारीहरुले अर्को भेट टर्कीमा गर्न लागेका छन् । यो भेटपछि ट्रम्प र पुटिनको वार्ताको माहोल बन्ने बताइएको छ ।