ट्रम्प- जेलेन्सकी काण्डमा रुसका पूर्वराष्ट्रपति मेदभेदेवको टिप्पणी: सुुँगुरले झापड भेट्यो

काठमाडौं । अमेरिकी समय अनुसार शुक्रबार राष्ट्रपति डोनाल्ड ट्रम्प र उपराष्ट्रपति जेडी भेन्सले युक्रेनका राष्ट्रपति भोलोदिमिर जेलेन्स्कीलाई झाँको झारेको विषयमा रुसका पूर्वप्रधानमन्त्री तथा पूर्वराष्ट्रपति दिमित्रि मेदभेदेवले प्रतिक्रिया दिएका छन् ।

उनले जेलेन्स्कीलाई सुँगुरको उपमा दिएका छन् र अमेरिकामा उनले झापड पाएको बताएका छन् ।

उनले एलन मस्कको स्वामित्व रहेको समाजिक संजाल एक्समा लेखेका छन्, ‘एक अशिष्ट सुँगुरले अन्ततः ओभल अफिसमा पाउनुपर्ने झापड पाएको छ । र, राष्ट्रपति डोनाल्ड ट्रम्प सहि हुनुहुन्छ– किभ सत्ता तेस्रो विश्व युद्धको लागि जुवा खलिरहेको छ ।’

भेदभेदेव अहिले पनि रुसका प्रभावशाली अनुहार हुन् । उनी पुटिन अध्यक्ष भएको राष्ट्रिय सुरक्षा परिषदका उपप्रमुख हुन् । उनी सन २०१२ बाट २०२० सम्म प्रधानमन्त्री भएका थिए भने सन २००८ बाट सन २०१२ सम्म राष्ट्रपति भएका थिए ।

उनी राष्ट्रपति हुँदा अहिलेका राष्ट्रपति भ्लादिमिर पुटिन प्रधानमन्त्री भएका थिए भने उनी प्रधानमन्त्री हुँदा पुटिन राष्ट्रपति थिए ।

The insolent pig finally got a proper slap down in the Oval Office. And @realDonaldTrump is right: The Kiev regime is “gambling with WWIII.”

— Dmitry Medvedev (@MedvedevRussiaE) February 28, 2025