बाँसबारी क्लबको मुख्य प्रायोजकमा आईजीआई प्रुडेन्सियल इन्स्योरेन्स

काठमाडौं । शहीद स्मारक ‘बी’ डिभिजन लिग क्लब बाँसबारीको मुख्य प्रायोजक आईजीआई प्रुडेन्सियल इन्स्योरेन्स लिमिटेड बनेको छ । बाँसबारी क्लब र इन्स्योरेन्सबीच बुधबार सम्झौतापत्रमा हस्ताक्षर भएको हो ।

सम्झौतापत्रमा क्लबका अध्यक्ष प्रेम थापा र लिमिटेडका चिफ मार्केटिङ म्यानेजर श्रीराम भण्डारीले हस्ताक्षर गरेका छन् ।

सम्झौताअनुसार मुख्य प्रायोजनस्वरुप आईजीआई प्रुडेन्सियलले क्लबलाई १० लाख रुपैयाँ प्रदान गर्नेछ । क्लबको सहप्रायोजकको रुपमा आइएमई समूह रहेको छ ।