राप्रपा समर्थित युवक संगठनको कार्यक्रममा जलाइयो प्रचण्डको तस्बिर (भिडिओ)

हेटौंडा । राष्ट्रिय प्रजातन्त्र पार्टी निकट राष्ट्रिय प्रजातान्त्रिक युवा संगठनको एक कार्यक्रममा माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहालको तस्बिर जलाइएको छ ।

युवक संगठनको हेटौंडा उपमहानगरपालिकामा भएको जिल्ला अधिवेशनमा संगठनका सदस्य सचिव निराजन बम पलाँताले प्रचण्डको तस्बिर जलाएका हुन् ।

संगठनको शनिबार हेटौंडामा आयोजित जिल्ला अधिवेशनका क्रममा पलाँताले प्रचण्डको अभिव्यक्तिले देशलाई हिंसामा धकेल्न खोजेको र पूर्वराजालाई अनावश्यक रुपमा आरोप-प्रत्यारोप लगाएर वातावरण प्रदूषित पारेको भन्दै तस्बिर जलाएका हुन् ।

कार्यक्रममा राप्रपाका प्रतिनिधिसभा सदस्य दीपकबहादुर सिंह पनि सहभागी भएका छन् । उनी प्रतिनिधिसभाको पूर्वाधार विकास समितिका सभापतिसमेत हुन् ।