लण्डन डर्बीमा आर्सनलको जित

हेटौंडा । इंग्लिस प्रिमियर लिग(ईपीएल)को आइतबार सम्पन्न लण्डन डर्बीमा दोश्रो स्थानको आर्सनलले चौथो स्थानको चेल्सीलाई पराजित गरेको छ । आर्सनलको घरेलु मैदान इमिरेट्स स्टेडियममा भएको खेलमा एकमात्र विजयी गोल मिकेल मेरिनोले पहिलो हाफको २० औं मिनेटमा गरे ।

आइतबारको जितसङ्गै आर्सनल अझै पनि उपाधि होडमा रहेको छ । २९ औं चरणको खेल सकिदासम्म आर्सनल पहिलो स्थानको लिभरपुलभन्दा १२ अंकले पछि छ । उसको ५८ अङ्क भएको छ भने समान खेलबाट लिभरपुलको ७० अङ्क छ ।

पराजित चेल्सीको भने आगामी सिजन च्याम्पियन्स लिग खेल्ने संभावनालाई आजको हारले थप समस्या बनाएको छ । हाल च्याम्पियन्स लिगको लागि आवश्यक चौथो नम्बरमा रहेपनि उ भन्दा पछि अर्को शसक्त टोली म्यान्चेस्टर सिटीले उस्लाई पछ्याउँदै छ । आर्सनलको ४९ अंक हुँदा सिटी ४८ अंक सहित पाँचौ स्थानमा छ ।

आइतबारनै भएको अर्को खेलमा टोटनह्याम्पलाई २-० ले हराउँदै फुलहमले पनि आगामी सिजन च्याम्पियन्स लिग खेल्ने आफ्नो संभावनालाई जिवित राखेको छ ।

२९ खेलबाट ४५ अङ्क सहित आठौं स्थानमा रहेको फुलहम चौथो स्थानको चेल्सीभन्दा जम्मा ४ अंक मात्र पछि छ । पराजित टोटनह्याम्प भने ३४ अंक सहित १४ औं स्थानमा छ ।