७० वर्षमा पहिलो पटक न्युक्यासलले जित्यो प्रमुख घरेलु ट्रफी

हेटौँडा । लिभरपुललाई हराउँदै न्यूक्यासल युनाइटेडले ७० वर्षमा पहिलो पटक घरेलु प्रमुख ट्रफी काराबाओ कप जितेको छ । आइतबार राती वेलम्बी रंगशालामा भएको फाइनल प्रतिस्पर्धामा इपीएल लिग लिडर लिभरपुललाई २-१ ले पराजित गर्दै न्युक्यासलले इतिहास रचेको हो ।

१९५५ को एफए कप फाइनल जितेदेखि इङ्ल्याण्डको उत्तर-पूर्वी टोलीले घरेलु प्रतियोगितामा कुनै पनि प्रमुख ट्रफी जितेको थिएन, तर आइतबार त्यो दौड अन्ततः समाप्त भएको छ ।

एडी होवे सन् २००८ पछि प्रिमियर लिग क्लबसँग प्रमुख ट्रफी जित्ने पहिलो अंग्रेजी प्रशिक्षक बने । न्युक्यासललाई उपाधि जिताउन ड्यान बर्न र अलेक्ज्याण्डर इसाकले गोल गरे ।

३२ हजार दर्शकबीच भएको खेलमा न्युक्यासलले आफ्नो ७० वर्षको उपाधि भोक मेटाउँदै लिभरपुललाई निराश बनाउन सफल बन्यो ।

पेरिस सेन्ट-जर्मेन विरुद्धको युइएफए च्याम्पियन्स लिगको हारको पाँच दिनपछि अर्को निराशाजनक प्रदर्शन गरेको लिभरपुल इङ्लिस फुटबलको सबैभन्दा प्रतिष्ठित इपीएल उपाधिको लागि केन्द्रित हुनेछ । आर्ने स्टल्सको टोली इपीएलको उपाधि दौडमा उल्लेख्य रूपमा अघि छ ।