ला-लिगा : एट्लेटिकोविरुद्ध बार्सिलोनाको जित

हेटौँडा । स्पेनिस ला लिगाको आइतबार राती सम्पन्न खेलमा एट्लेटिको मड्रिडलाई पराजित गर्दै बार्सिलोना पुनः पहिलो स्थानमा पुगेको छ ।

तेस्रो स्थानको एट्लेटिकोलाई बार्सिलोनाले ४-२ ले पराजित गरेको हो । बार्सिलोनाको जितमा फेरन टोरेसले दुई गोल गर्दा रोबर्ट लेबन्डोस्की र लामिने यामलले समान एक-एक गोल गरे ।

एट्लेटिकोको तर्फबाट भने जुलियन अल्भारेज र अलेक्जेन्डर सोरलोथले गोल गरे ।

जितपछि २७ खेलबाट ६० अङ्क सहित बार्सिलोना पुनः पहिलो स्थानमा उक्लिएको छ । २८ खेल खेलेको रियल मड्रिडको पनि ६० नै अङ्क छ तर गोल अन्तरको आधारमा उ दोस्रो स्थानमा छ । पराजित एट्लेटिको भने ५६ अङ्क सहित तेस्रो स्थानमा छ ।