इन्टर मिलानलाई तीन अंकको अग्रता

हेटौंडा । तेस्रो स्थानको एटलान्टामाथि जित निकाल्दै इन्टर मिलानले इटालीको सिरी ए को शीर्ष स्थानमा आइतबार स्पष्ट तीन अंकको अग्रता लिएको छ ।

आइतबार राती सम्पन्न खेलमा इन्टरले २-० को जित निकाल्दै ३ अङ्कको अग्रता कायम गरेको हो । एटलान्टाको घरेलु मैदानमा भएको खेलमा इन्टरका लागि कार्लोस अगुस्टो र लउटारो मार्टिनेजले गोल गरे ।

लिग तालिकामा इन्टरको ६४ अंक भएको छ । उभन्दा मुनिको नेपोलीको ६१ अङ्क छ ।

आइतबार नै भएको खेलमा नेपोलीले भेनेजियासँग बराबरी खेलेपछि त्यसको फाइदा इन्टरलाई मिलेको हो ।

तालिकामा एटलान्टा भने ५८ अंक सहित तेस्रो स्थानमा यथावत् छ ।