गणतन्त्रवादीलाई ज्ञानेन्द्र शाहीको प्रश्न- तपाईंहरूविरुद्ध आन्दोलन गर्‍यो भने के हालत होला ? (भिडिओ‌)

काठमाडौं । राष्ट्रिय प्रजातन्त्र पार्टी (राप्रपा) का सांसद ज्ञानेन्द्र शाही पूर्वराजा ज्ञानेन्द्र शाहको स्वागत गर्दा गणतन्त्रवादीहरूको मुटु हल्लिएको टिप्पणी गरेका छन् । प्रतिनिधिसभाको बैठकमा बोल्दै नेताहरूलाई पूर्वराजाबारे बोल्दा होस गर्न चेतावनी दिए ।

उनले भने, ‘हामीले राजालाई गरेको स्वागत गरेको कसैका विरुद्ध आन्दोलन होइन । स्वागत गर्दा त मुटु हल्लियो, कलेजो थर्कियो । धर्ती फाट्यो, आकाश फुट्यो भने तपाईंहरूका विरुद्ध आन्दोलन गर्‍यो भने हालत के हुन्छ होला ?’

राजा गइसक्यो फर्किँदैन भन्नेहरूलाई मार्क्स, लेनिन र माओ चाहिँ कसरी फर्किन्छ र मान्छेलाई उल्लू बनाइराखेको भन्दै आक्रोश पोखे ।