माओवादी र एमालेको पछि लागेर हुँदैन, अब कांग्रेसले निर्णय लिनुपर्छ : शेखर कोइराला (भिडिओ)

काठमाडौं । नेपाली कांग्रेसका नेता डा. शेखर कोइरालाले एमाले अध्यक्ष केपी शर्मा ओली नेतृत्वको सरकारको चर्को आलोचना गरेका छन् ।

गिरिजाप्रसाद र लोकतन्त्र अन्तरक्रिया कार्यक्रममा बोल्दै अहिले सरकारले सुशासन कायम गर्न नसकेको बताए ।

त्यसबारे उनको भनाइ:

कांग्रेस र एमालेको सरकार छ। तर सुशासन पटक्कै छैन। यो कुरा अब हामीले भन्ने कि नभन्ने मैले त पटक पटक भनिरहेको छु हामी सत्तापक्षका मान्छे हौं ।

तर, सरकारमा छैनौं । सरकारमा हुने मन्त्रीहरुले एमालेसँग सहकार्य गर्नुहोस् हामीलाई कुनै आपत्ति छैन । तर सत्तापक्षमा छौं तर सरकारमा नहुनेको जिम्मेवारी सरकार, कांग्रेस र एमालेलाई खबरदारी गर्ने जिम्मेवारी छ ।

जहिलेजहिले नेपाल अफ्ठेरोमा परेको छ कांग्रेसको नेतृत्वमा घटना घटेको छ र सफल भएको छ । अहिले कांग्रेस कहिले माओवादीको पछि लागेको छ । कहिले एमालेको पक्षमा लागेको छ। अब त्यो हुँदैन ।

अब हामी यसरी जाने भनेर निर्णय गर्नुपर्यो । त्यो निर्णयमा अरु दललाई पनि मिलाएर अगाडि लानुपर्छ। त्यो क्षमता हामीसँग छ ।