नाउपा बैठक- जनमतसँग एकता गर्ने औपचारिक निर्णय हुँदै

काठमाडौं । नागरिक उन्मुक्ति पार्टीको केन्द्रीय कार्यसमिति बैठक काठमाडौंमा सुरू भएको छ । बैठकमा पार्टीका संरक्षक रेशम चौधरी पनि उपस्थित छन् ।

डा. सीके राउत नेतृत्वको जनमत पार्टीसँग एकताका लागि औपचारिक निर्णय गर्न केन्द्रीय कार्यसमिति बैठक डाकिएको हो । दुई दिनसम्म चल्ने बैठकमा पार्टी एकताका विषयमा सदस्यहरूलाई औपचारिक जानकारी गराउँदै सुझाव लिइने वरिष्ठ उपाध्यक्ष एवं प्रवक्ता दामोदर पण्डितले जानकारी दिए ।

बैठकले जनमत पार्टीसँग एकताका लागि औपचारिक निर्णय गर्ने उनले बताए । केन्द्रीय कार्यसमिति बैठकपछि जनमत पार्टीसँग पार्टी एकता हुने र यसमा कुनै आशंका नरहेको पण्डितले प्रष्ट्याए ।

बैठकमा सवै केन्द्रीय सदस्यहरू, पार्टीबाट निर्वाचित संघ र प्रदेशका उम्मेदवार पालिकाका प्रमुख र उप प्रमुखहरू, संस्थापक केन्द्रीय सदस्य उपस्थित छ्न् ।