‘कर्मा’को रत्यौली गीत ‘सारी लगाइदेउ’ सार्वजनिक (भिडिओ)

काठमाडौं । यही चैत २९ गते रिलिजको तयारीमा रहेको चलचित्र ‘कर्मा’को ‘सारी लगाइदेउ’ बोलको गीत सार्वजनिक भएको छ । सलिना बिकको स्वर रहेको गीतमा सुष्मा सिग्देलको शब्द र भाष्कर स्वारको संगीत छ ।

विशेषगरी रत्यौली संस्कृतिमा यो गीत तयार पारिएको छ । मायाप्रेम दर्शाउँदै व्यंग्य गरेको सार्वजनिक गीतमा कलाकार मुकुन भुसाल विवाह गरिरहेका छन् भने अभिनेता विपीन कार्की मौन छन् । भिडियोमा नायिका उपासनासिंह ठकुरीको दमदार नृत्य देख्न सकिन्छ ।

कविराज गहतराजको कोरियोग्राफी रहेको गीतको भिडियोमा चलचित्रका मुख्य कलाकार विपीन, उपासना, मुकुन, सरिता गिरी, दिव्यदेव, बेन बस्नेत, सुज्यान सिलवाल, अनिल बुढाथोकी, निर्मल शर्मालागायतको अभिनय रहेको छ ।

नयाँ वर्ष २०८२ को छेको पारेर ‘कर्मा’ चैत २९ गतेबाट नेपाल र विदेशमा एकसाथ प्रदर्शनमा आउँदैछ । एक्सन जनरामा निर्माण भएको ‘कर्मा’को कथा निर्देशक सौरभ चौधरीले लेखेका हुन् ।

चलचित्रको अन्तर्राष्ट्रिय प्रदर्शन अधिकार सेभेन सिज सिनेमाले लिएको छ । तारानाथ न्यौपाने मुख्य सहायक निर्देशक र आर्टिस्टिक इन्टरटेनमेन्टको प्रस्तुति रहेको ‘कर्मा’ मा वसन्त लम्सालको लगानी छ ।