‘कर्मा’ मा विपिनकी आमा बनेकी सरिता- ‘यो चलचित्रले आमा चरित्रको ट्यागलाइन नै परिवर्तन गरिदिनेछ’

काठमाडौं । यहीँ चैत्र २९ गतेबाट रिलिजको तयारीमा रहेको चलचित्र हो, ‘कर्मा’। नायक विपिन कार्कीलाई एक्सन अवतारमा प्रस्तुत गरिएको चलचित्रमा अगस्त्य फेम्ड निर्देशक सौरभ चौधरीको निर्देशन छ।

चलचित्रमा विपिनसंगै नायिका उपास्ना सिंह ठकुरी, कलाकारद्वय मुकुन भुसाल, दिब्यदेब, बेन बस्नेत, सुज्यान सिलवाल,अनिल बुढाथोकी, निर्मल शर्मालागायतको अभिनय छ । चलचित्रमा कलाकार सरिता गिरीको पनि अभिनय देख्न सकिन्छ। उनले यो चलचित्रमा आमाको भुमिका निभाएकी छिन।

हुन त, सरिताले यसअघि पनि थुप्रै चलचित्रहरुमा आमाको भुमिका निभाईसकेकी छन। तर यो चलचित्रमा भने फरक खालको चरित्र रहेको उनको दाबी छ । ‘कर्मा’ मा आमाको पात्रमा देखिएकी सरिताका अनुसार ‘कर्मा’ले नेपाली सिने क्षेत्रमा आमा चरित्रको ट्यागलाइन नै परिवर्तन गरिदिनेछ। उनी भन्छिन् ,’अहिले आमाको चरित्र भन्नबित्तिकै जुन इमेज दर्शक र चलचित्रकर्मीको दिमागमा आउँछ, त्यो इमेज ‘कर्मा’मा रहेको आमाको चरित्रले मेटाइदिने छ ।’

‘मैले अहिलेसम्म आमाको चरित्र धेरै गरेँ होला तर कर्मामा आमाको चरित्र मात्रै छैन। यसमा आमासंगसंगै धेरै कुरा छ । चलचित्रमा निर्देशकले यो क्यारेक्टरलाई यसरी चलाउनुभएको छ कि अहिलेसम्म चलेको आमाको ट्यागलाइन यो चलचित्र रिलिज भएपछि हट्नेछ,’ उनी सुनाउछिन।

‘कर्मा’मा सरिता विपीन कार्कीको आमाको भूमिकामा छिन् । निर्देशक सौरभ चौधरीले आफूलाई चलचित्रमा अफर गर्दा नै आफू इम्प्रेस भएको सरिता बताउँछिन् । ‘उहाँले मलाई आमा होइन क्यारेक्टर चाहिएको भनेर अफर गर्नुभएको थियो। यो लाइनले नै मलाई टच गरेको थियो,’उनी जोडछिन्।

नयाँ वर्ष २०८२ को छेको पारेर चलचित्र ‘कर्मा’ यहीँ चैत २९ गतेबाट रिलिज हुँदैछ। नेपाल र विदेशमा यो चलचित्र एकसाथ प्रदर्शन हुनेछ । एक्सन जनरामा निर्माण भएको ‘कर्मा’ ड्रामा, सस्पेन्स र एक्सन जनरामा निर्माण भएको छ । चलचित्रको कथा निर्देशक चौधरी स्वयंले लेखेका हुन।

चलचित्रको अन्तर्राष्ट्रिय प्रदर्शन अधिकार बिक्रीको अधिकार सेभेन सिज सिनेमाले लिएको छ । भाष्कर स्वाँरको संगीत निर्देशन, कविराज गहतराजको कोरियोग्राफी, श्री श्रेष्ठको द्वन्द्व निर्देशन, निमेष श्रेष्ठको सम्पादन र तारानाथ न्यौपानेको मुख्य सहायक निर्देशन रहेको चलचित्रमा समीर मियाको भिएफए, उत्तम न्यौपानेको व्याकग्राउण्ड स्कोर, शाहिल खानको टिजर–ट्रेलर, विजय बस्यालको पब्लिसिटी डिजाइन र राजेन्द्र मोक्तान कलरिस्ट रहेका छन् । आर्टिस्टिक इनटरटेनमेन्टको प्रस्तुति रहने ‘कर्मा’ मा वसन्त लम्सालको लगानी रहेको छ ।