प्रतिकूल मौसमले हवाई उडान प्रभावित, दुई जहाज आकाशमै ‘होल्ड’

काठमाडौं । प्रतिकूल मौसमले हवाई उडान प्रभावित भएको छ । मौसम प्रतिकूल भएपछि भिजिबिलिटी कमजोर हुँदा त्रिभुवन अन्तर्राष्ट्रिय विमानस्थलको उडान प्रभावित भएको हो ।

विमानस्थलका सूचना अधिकारी तेजबहादुर पौडेलका अनुसार दुई वटा अन्तर्राष्ट्रिय जहाज ल्यान्ड हुन नसक्दा आकाशमै ‘होल्ड’ गरिएको छ । दिल्लीबाट आएको इन्डिगो र कतारको दोहाबाट आएको कतार एयरवेजको विमान ‘होल्ड’ भएका हुन् ।

भिजिबिलिटी कमजोर हुँदा आन्तरिक उडान पनि ठप्प भएको छ । मौसमकै कारण काठमाडौंबाट अधिकांश उडान हुन नसकेको उनले जानकारी दिए ।