नायिका दिव्या बनिन् शैक्षिक परामर्शदाता संस्थाकी ब्रान्ड एम्बेस्डर

काठमाडौं । नायिका दिव्या रायमाझी एक शैक्षिक परामर्शदाता संस्थाको व्यवसायिक दूत अर्थात ब्रान्ड एम्बेस्डर बनेकी छन् । दिव्या प्रोफाइल इन्टरनेसनल एजुकेसन कन्सल्टेन्सीको ब्रान्ड एम्बेस्डर नियक्त भएकी हुन् ।

रायमाझीसहित संस्थाका प्रमुख नवराज प्रसाईं र प्रबन्ध निर्देशक नितेश उप्रेतीबीच आइतबार एक कार्यक्रमबीच सम्झौता भएको छ । उक्त संस्थाले उच्च शिक्षा हासिल गर्न चाहने विद्यार्थीलाई वैदेशिक अध्ययनबारे परामर्श दिँदै आएको छ ।

ब्रान्ड एम्बेस्डर नियुक्त भएपछि दिव्याले पुरानो र प्रतिष्ठित संस्थासँग जोडिन पाएकोमा खुसी भएको बताइन् । ‘शैक्षिक विधामा आफूले जानेको ज्ञान र अनुभव विद्यार्थीसँग बाँड्नेछु र सहकार्य गर्नेछु’, उनले भनिन् ।

ब्रान्ड एम्बेस्डरमा नियुक्त गरेपछि दिव्याको उपस्थितिमा यही मार्च २७ मा संस्थाले ‘यूके एडमिसन डे’ नामक शैक्षिक मेला आयोजना गर्ने भएको छ ।

दिव्याले केही समय अघिमात्र रिलिज भएको चलचित्र ‘एक्टर–टेक वन’बाट डेव्य गरेकी हुन् ।