५० लाख अमेरिकी डलर तिर्दा पाइने गोल्ड कार्ड एकै दिन हजार जनाले लिए

काठमाडौं । अमेरिकामा एकै दिन एक हजार भन्दा धेरैले गोल्ड कार्ड लिएका छन् । अमेरिकी अर्थ सचिव होवार्ड लुटनिकले यस्तो जानकारी सार्वजनिक गरेका हुन् ।

उनले एक पडकास्टरसँगको कुराकानीमा उनले गत हप्ता एकै दिन हजार कार्ड बिक्री भएको बताएका छन्। सचिव लुटनिकले भनेका छन्, ‘विश्वका तीन करोड ७० लाखले यो गोल्ड कार्ड किन्न सक्छन् । राष्ट्रपतिले दश लाखले किन्ने अनुमान गर्नु भएको छ ।’ लुटनिकले लगानीकर्ता जोन पाउनसनसँगको भेटमा यस्तो तरिका ट्रम्पले पाएको बताएका छन्।

अमेरिकाले सित्तैमा चिठ्ठा तानेर दिँदै आएको ग्रीन कार्ड भन्दा ‘इज्जतिलो’ र ‘एलिट’ मानिने यो कार्ड लिने प्रणाली राष्ट्रपति डोनाल्ड ट्रम्पले सुरु गरेका हुन् ।