समाजवादी मोर्चाको शक्तिप्रदर्शनका कारण रोकियो ‘पिताम्बर’को ट्रेलर रिलिज कार्यक्रम

काठमाडौं । समाजवादी मोर्चाले शक्तिप्रदर्शन गर्ने भएपछि चलचित्र ‘पिताम्बर’को ट्रेलर रिलिज अनिश्चित बनेको छ ।

समाजवादी मोर्चाले शुक्रबार भृकुटीमण्डपमा सरकारविरुद्ध जनप्रदर्शन गर्दैछ । सोही ठाउँमा चलचित्र ुपिताम्बरु को ट्रेलर रिलिज हुने थियो। दर्शकको भब्य उपस्थितीमा ट्रेलर रिलिज गर्ने पूर्वनिर्धारित कार्यक्रम ‘पिताम्बर’ले तय गरेको थियो । निर्माण टिमले कार्यक्रम स्थलको रकम पनि तिरिसकेको थियो ।

जिल्ला प्रशासन कार्यालयले समाजवादी मोर्चालाई उक्त ठाउँ तोकिदिएपछि ‘पिताम्बर’ले ट्रेलर रिलिज कार्यक्रम स्थगित गर्नुपरेको हो । निर्माण टिमका अनुसार केही दिनको राजनीतिक स्थिती हेरेर मात्र ट्रेलर रिलिजको मिति टुंगो लाग्नेछ ।

अभिनेता प्रदीप खड्का र दिव्या रायमाझी स्टारर एक्सन चलचित्र ‘पिताम्बर’ चैत २९ गतेबाट प्रदर्शनमा आउँदैछ। कृषा चौलागाईको निर्देशन रहेको चलचित्रमा प्रदीप खड्का, दयाहाङ राई, सौगात मल्ल, आर्यन सिग्देल, अनुपविक्रम शाही, सुरक्षा पन्त, गौरी मल्ल, रविन्द्र झा, प्रमोद अग्रहरि, कामेश्वर चौरासिया, टिका पहाडी, सुलभ पहाडी, सुरवीर पण्डित, विशाल पहाडी, दिव्यदेव पन्त, सुपुष्पा भट्ट, दिव्या रायमाझी, गौरव विष्ट, आशिष पुरुष, ललित विष्ट, किशोर भट्ट, विनोदकुमार पौडेल, नारायण काफ्ले र रविन्द्र भट्टराईको अभिनय छ ।