यत्रतत्र आगजनी र तोडफोड गर्दै राजावादी कार्यकर्ता ,यी तीन ठाउँमा कर्फ्यु आदेश जारी

काठमाडौं । राजावादी कार्यकर्ताले काठमाडौंमा यत्रतत्र आगजनी र तोडफोड गर्न थालेपछि कफर्यु आदेश जारी गरिएको छ ।

काठमाडौंका तीन स्थानमा कफ्यू लगाइएको हो । जिल्ला प्रशासन कार्यालयले औपचारिक सूचना जारी गरेर कति बजेदेखि कति बजेसम्म लाग्ने भन्ने जानकारी दिने बताइएको छ ।

कोटेश्वर, तीनकुने र सिनामंगल क्षेत्रमा कर्फ्यु जारी गरिएको जिल्ला प्रशासन कार्यालयले जनाएको छ । सुरक्षाकर्मी माइकिङ गरिरहेका छन् । अर्काे आदेश हुँदासम्म कर्फ्यू जारी रहनेछ ।

नेकपा एसको आलोकनगरस्थित कार्यालय, कोटेश्वर भाटभटेनी, सिनामंगलस्थित नागरिक उड्डयन कार्यालयमा आन्दोलनकारीले तोडफोड गरेका छन् ।